Forumi për investime mblodhi të premten në Vjenë rreth 20 biznese japoneze të cilat veprojnë në Evropë. Hapjen e forumit e bëri zëvendësministri i Tregtisë dhe Industrisë, Bernard Nikaj, i cili para të pranishmëve prezantoi se Kosova ofron potenciale për investime në të gjitha fushat, duke u fokusuar në atë të ekonomisë dhe turizmit.
Nikaj tha se Ministria e Tregtisë dhe Industrisë përkatësisht APIK-u ka identifikuar 7 sektor kyç për Kosovën. “Kosova ofron kushte të mira, fuqi të mjaftueshme të punës, si dhe potencial të madh për investime”, theksoi ai.
Zëvendësministri ftoj të pranishmit që ta vizitojnë Kosovën dhe të shikojnë bukuritë që ofron ky vend, kulturën dhe traditat e pasura që posedon si dhe të përjetojnë ushqimin tradicional të qyteteve të ndryshme.
Gjatë forumit mundësitë për investime në Kosovë u prezantuan nga Valdrin Lluka, kryeshef ekzekutiv në Agjencinë për Promovimin e Investimeve të Kosovës. “Popullata e re, kosotja e ulët e fuqisë punëtore, taksat e favorshme në rajon janë mundësi të mira për investime në Kosovë”, tha Lluka.
Po ashtu ai, paraqiti disa mundësi konkrete të investimeve që vijnë përmes Agjencisë Kosovare të Privatizimit, Departamentit Qendror për Partneritet Publiko Privat si dhe përmes Komunave të ndryshme në Kosovë.
Ky forum u organizua nga Institucioni Qeveritar Japonez për Zhvillim Ekonomik dhe Promovim të Tregtisë (JETRO) dhe Ambasada Japoneze në Vjenë
No comments:
Post a Comment