Agim Shahini, kryetar i Aleancës Kosovare të Bizneseve (AKB), tha se projekti tashmë tradicional ka për qëllim që qytetarët e Kosovës të konsumojnë prodhime vendore. Ai tha se gjatë njëmbëdhjetë vjetëve kanë bërë të pamundurën që ta rrisin vetëdijën e qytetarëve për konsumimin e prodhimeve vendore. “Kjo është ndihmesa më e madhe që mund ti bëjë dikush prodhuesve vendës dhe krahas konsumimit të prodhimeve kosovare, rritet edhe zhvillimi ekonomik, mirëqenia qytetare dhe eksporti drejt vendeve tjera”, tha ai.
Kryetari i Aleancës së Bizneseve Kosovare , Agim Shahini, ka kërkuar nga institucionet lokale dhe ato qendrore që prodhuesit e Kosovës ti kenë prioritet dhe të bëjnë politika më të favorshme për zhvillimin e biznesit dhe rritjen ekonomike. “Tashmë prodhimet kosovare janë të pranishme në shumë vende të ndryshme dhe eksporti duhet të rritet edhe më shumë, sepse prodhimet e Kosovës janë të cilësisë së lartë dhe qytetarët duhet ti konsumojnë”, tha Shahini.
Sokol Ukaj, drejtor i Zhvillimit Ekonomik në Komunën e Pejës, tha se ky aktivet tregon më së miri për mbështetjen e komunës ndaj biznesit dhe i cili ka për qëllim ngritjen e zhvillimit ekonomik jo vetëm të Komunës së Pejës, por të gjithë Kosovës. Ai tha se po mundohemi të bëjmë përmirësimin e mjedisit afaristë në Komunën e Pejës dhe krijimit të lehtësirave për biznesin. “Si institucione komunale bashkërisht me bizneset kemi krijuar raporte të mira në mënyrë që ata të jenë më zhvilluar”, tha Ukaj.
Hajriz Kokollari, pronar i fabrikës për prodhimin e pelenave nga Prizreni “Sllovenien partners”, tha se projekti “Javët e Biznesit Kosovar”, është një aktivitet shumë i rëndësishëm për promovimin dhe konsumimin e prodhimeve vendëse.
Karnevali “Javët e Biznesit Kosovar 2013” me 29 nëntor vazhdon në Mitrovicë dhe do të vazhdoj gjatë gjithë javëve nëpër tërë Kosovën dhe më gjerë deri më datën 26 dhjetor 2013
No comments:
Post a Comment