Delegacioni nga Oda Ekonomike e Kosovës dhe komuniteti i biznesit nga shteti i Egjiptit, kanë biseduar për me thellimin e mëtejmë të bashkëpunimit ekonomik në mes të dy vendeve.
Sekretari i Përgjithshëm i Odës Ekonomike të Kosovës (OEK), Berat Rukiqi, tha se qëllimi i këtij takimi është që përmes dialogut dhe përmes përvojës të gjendet një mundësi se si mund të forcohet edhe me tutje bashkëpunimi. Po ashtu ai ceku se pas njohjes së Kosovës nga Egjipti, mundësitë e bashkëpunimit janë më të mëdha.
Udhëheqësi i delegacionit egjiptas Khaled M. Khalil, tha se janë në Kosovë për punë konkrete. “Me një iniciativë, që jo vetëm si ide, por ta zhvillojmë maksimalisht dhe të jemi të qëndrueshëm në këtë iniciativë për avancimin e bashkëpunimit tonë duke i’u referuar të gjithë sektorëve të biznesit”, tha Khalil.
Përveç pritjes së delegacionit, u mbajtën edhe takime B2B me biznese kosovare dhe ato të Egjiptit të sektorëve të ndryshëm, duke shqyrtuar mundësitë e bashkëpunimit për eksport-import.
No comments:
Post a Comment